Ziurrenik ezagunenak PeerTube eta Pixelfed dira, bideoak eta argazkia partekatzeko. WordPress-eko blogak fedibertsoaren parte izan daitezke, behar den plugina gehituz gero. [Fedibertsoa.eus] web-orrian mapa osatuagoa duzu.
Zerbitzari bakoitzak bere arauak ditu: pertsona edo kolektibo batek kudeatzen du, eta hark erabakitzen du/dute nola mantentzen den, nola finantzatzen den eta zer moderazio-irizpide aplikatzen diren. Zerbitzari guztietan irakur dezakezun «Honi buruz» bat dago, zein komeni zaizun erabakitzeko.
Mastodon erabiltzen ari zarenean, ikusiko duzu, jarraitzen dituzuen kontuek argitaratzen dutena irakurtzeaz gain, mezuen hari berezi bat duzula, «Lokala» izenekoa, non zure zerbitzarian argitaratzen ari den guztia ikusten duzun. Interesatzen zaizun gai batean zentratutako zerbitzari batean izena ematen baduzu, edo zure hirian kokatuta badago, adibidez, hari lokala baliotsua izango da; zerbitzari generalista batean bazaude, zure hari lokala interesatzen ez zaizkizun eta inoiz begiratuko ez diozun hainbat gauzaz beteta egongo da ziurrenik, eta jarraitzen dituzun kontuekin bakarrik geratuko zara. Hau da: zerbitzariak komunitatea sortzeko modu bat dira, baina ez da bakarra.
Edonola ere, beti aldatu ahal izango duzu zerbitzaria. Zure kontua beste zerbitzari batera eramaten duzunean, erraza eta azkarra da zure kontaktuak (jarraituak eta jarraitzaileak) migratzea, baina ez zure mezu-fitxategia. Mezu horiek zerbitzari zaharrean argitaratuta geratuko dira, hala nahi baduzu.
Komunitate guztietan bezala, fedibertsoak bere kodeak eta ohiturak ditu, baina ez larritu, batez ere jendea nahiko atsegina delako, eta pixkanaka ikasten joango zara… Hala ere, bi hauek bereziki interesgarriak iruditzen zaizkigu:
Fedibertsoa ekosistema bizia da, zure esperientzia hobetzeko proiektu ugari dituena. Hona hemen gomendio batzuk:
Blueskyn ere bazaude, zure Bluesky eta Mastodon kontuak batera kontsultatzeko aukera ematen dizun app honek
Tweetdeck bezalako zerbaiten falta sumatzen baduzu
Argitalpenak programatu nahi badituzu
Mastodonek ez duenez estatistika-panelik, zure kontuaren bilakaeraren jarraipena egiteko
Fedibertsoaren estatistika osoak bilatzen ari bazara (zenbat jendek erabiltzen duen, zenbat instantzia dauden, etab.)
WordPress blog bat baduzu eta fedibertsoaren parte izatea nahi baduzu, plugin hau instalatu dezakezu
Alemanian egoitza duen irabazi asmorik gabeko enpresa batek garatzen du Mastodon, eta dohaintzei eta diru laguntzei esker finantzatzen da. Diru publikoarekin finantzatutako zerbitzari eta ikerketa proiektu batzuk daude. Gainerako fedibertsoak ekonomia kolaboratibo eta batzuetan prekario baten barruan funtzionatzen du: dohaintzekin, erakunde sozialekin eta borondatezko lanarekin. Zuk edo zure erakundeak denborarekin edo diruarekin lagundu badezakezue, oso ongi etorria izango da.